( للاسف هم اكثر وحدة وترابط مع بعضهم البعض اكثر من الشرفاء )

أستغرب من اشخاص شاركوا بالثورة المجيدةوهتفوا شعارات تنادى بالحرية والقيم لكى يسمعوا العالم كله أن هذا الشعب العظيم صاحب القيم والمعدن الاصيل منذسبعة الاف عام وليس الشعب الذى كان المخلوع ونظامه يوهموا العالم انه غير مؤهل لشىء . كيف الذين كانوا يهتفوا هذة الشعارات عندما يترشحاشخاص منهم ثوريين وتاريخهم النضالى المشرف من قبل الثورة بسنوات ضد الاستبداد والفساد وحتى بعد الثورة ايضا كيف عندما يترشح الشرفاء يتم تجريحهم وتشويهم من قبل انصار كل مرشح والمفترض ان هؤلاء الانصار شاركوا بهذة الثورة العظيمة التى شهد لها العالم اجمع انهم هم من يشوهوا ثورة الشرفاء ويتركوا الخونة الفاسدين فلول النظام الفاسد المستبد الذين هم ثاروا عليه يترشحوا ويفرحوا فيهم ؟ والمفترض ان نحارب هؤلاء الفاسدين افضل من ان نحارب ونهاجم انفسنا ؟ للاسف لو لم يتحدوا وينكروا الذات سوف يخسر الشرفاء ويفوز الاستبداد والفساد. ومن المؤسف ان نجد ان الفاسدين هم اكثر وحدة وتعاون مع بعضهم البعض اكثر من الشرفاء الثوريين . اتحدوا ايها الشرفاء الوطن اغلى من اى شىء اخر كونوايد واحدة ضد الفساد والاستبداد قبل فوات الاوان.

(الفارس الشريف)

الاعلامى يسرى فودة ::: من الصعب ان تقنع "القرد" ان "المانجو اطعم من الفول السودانى" ،، والاصعب ان تقنع " العبيد " ان " الحريه افضل من الضرب على القفا.

يعنى ايه

يعني ايه ؟!


الظابط ده عمل اكونت علي تويتر يوم السبت 28 يناير وكتب كل التويتات دي وتم غلق الاكونت بعدها بيوم .. والنهارده اتفتح تانى الكلام اغلبه منطقي .. اقروا وقولوا رأيكو ..
الملازم اول : محمد وديع
ظابط في الصاعقه
... رقمه العسكرى١٢٦٤٣٣
ملازم أول/ محمد وديع الوحده ٩٩٩ قتال سابقا ضباط ٨ ابريل حاليا والعمر واحد والرب واحد

يعنى ايه قسم ؟ يعنى ايه أقسم بالله العظيم أن أكون جنديا وفيا لجمهورية مصر العربيه ؟ طيب يعنى ايه نكتب بأجسامنا مصر
مبارك مبارك مصر ؟؟

يعنى ايه قبل قرار تنحى مبارك يتسرح ١٨٠٠ مسجون من السجن الحربى منهم اغتصاب وقتل على طريق مصر الاسماعيليه ؟؟

يعنى ايه اللوا صلاح الشربينى لصف ظابط هاديك شلوط تطلع عند ربنا يقولولك جاى منين تقولهم من عند اللوا صلاح يقولولك ارجع مش عايزين مشاكل

يعنى ايه اللواء الروينى يغلق مسجد المنطقه المركزيه ويمنع الصلاه فيه بعد ما صلي فيه المخلوع علشان يفضل محافظ عليه لحد ما ييجى يصلى تانى ؟؟

يعنى ايه الديكتاتور مختار المللا يتكلم عن الديقراطيه ؟؟
يعنى ايه الضايع سامى عنان يخطط لجيش مصر ؟؟
يعنى ايه الضايع سامى عنان يخطط لجيش مصر ؟؟
يعنى ايه ممدوح شاهين التايه يشرع لمصر ؟؟
يعنى ايه ممدوح شاهين التايه يشرع لمصر ؟؟
يعنى ايه النقيب أحمد حمام والرائد أشرف عبد الحميد والملازم مينا أبطال موقعة العذريه ما حدش يعرف عنهم حاجه ؟
يعنى ايه قائد الفرقه التاسعه المشاه الميكانيكى يأمر صغار الضباط بالإفراج عن الحصنه والجمال واصحابهم علشان يروحوا ينفذه مذبحه فى التحرير ؟؟
يعنى ايه ابن المشير يروح مخابرات عامه ما تعجبهوش يروح رقابه اداريه يزهق يرجع العامه تانى عزبة بابى ؟؟
يعنى ايه ابن المشير يخترعوله منصب عند تخرجه من الشرطه المنسق العام بين وزارتى الدفاع والداخليه ؟؟
يعنى ايه جميع أولاد لواءات القوات المسلحه إما مخابرات عامه أو رقابه إداريه ؟؟
يعنى ايه فى العروض والاستعراضات نصرف ملايين على الفشخره الكدابه زى اللى بياخد هرمونات فى الجيم ومافيهوش نفخه ؟؟
يعنى ايه هشام ماهر فى لواء الوحدات يسرق بنزين للسيل علشان ينفذوا التدريب ؟
الصاعقه البحريه رفضت ضرب المتظاهرين امام المنطقه الشماليه والصاعقه البريه دغدغت زمايلها قبل الناس يوم ٨ ابريل مين وصلهم لكده ؟؟
ضباط لواء الوحدات الخاصه رجال الضفادع البشريه رفضوا ضرب المتظاهرين اما ال ٧٧٧ ؟؟
يعنى ايه الشرطه العسكريه اللى بتأمن المحاور وتحول الطرق ولها مهمه محترمه فى الحرب يحولها بادين لمباحث مكافحة الثوار ؟؟
يعنى ايه الصاعقه المصريه احد مصادر رعب اسرائيل ماسكين عصيان وطالعين يجروا ورا الناس فى الشوارع بقيادة اللواء سامى سعد زغلول
يعنى ايه ظابط مظلات الباريه بتاعه متوحد على مستوى العالم قافز حر قوات خاصه يفتخر بضرب البنات كإنه فتح عكه مين وصله ده ؟؟
يعنى ايه قائد السجن يقولى يا ابنى المشير لا دريان بيا ولا بيك يلا حسن الختام قمال دريان بمصر ازاى ؟؟
يعنى ايه اللوا الفخرانى يكلف بوابه ٩ ميليون الرقابه الاداريه تزعل يطلع معاش ويتعين محافظ الاسماعيليه ؟؟
يعنى ايه القبه السماويه فى الكليه الحربيه تتكلف ٤٥ ميليون جنيه فى عهد مختار المللا
يعنى ايه حمام فى الصحراء يتكلف ٢ ميليون جنيه يعملوا خبير المانى لإحتمال قدوم مبارك لعرض المنطقه الغربيه
يعنى ايه الروينى فى المنطقه المركزيه للضباط ثورة ايه وخره ايه احنا غلطنين اننا ما دسناش عليهم بالجزمه ؟؟
يعنى ايه مختار المللا فى معهد المدرعات للضباط هما فاكرين انهم عملوا ثوره لكن احنا هانوريهم حبة العيال
يعنى ايه اللواء الفنجرى وسيد البرنس يقولوا احنا حطينا روحنا على كفنا ضد مبارك ولولا اللى عاملناه بإنعقاد المجلس ما كانتش الثوره نجحت ؟؟
يعنى ايه محسن الفنجرى يقول لما نغير المحافظين والمحليات والجامعات والداخليه تبقى فين الدوله بقى ؟؟
يعنى ايه محسن الفنجرى يقول فى لقاء بالسجن الحربى الحركات الشبابيه دول هما اللى بوظوا الثوره ونصفهم عملاء وخونه ونصفهم مغيبين ؟
يعنى ايه كل الفلوس والذهب والموبايلات الاحراز فى السجن الحربى تتباع وتوزع مكافئات على الضباط والجنود ؟؟
يعنى ايه جميع محتويات مقر الحزب الوطنى تبقى بقانون غنائم الحرب فى مخازن الفرقه الثانيه المشاه الميكانيكى وهو كده ؟؟
يعنى ايه الجبن يبقى اهم صفات المقاتل !!!!
يعنى ايه المشير يقول على طلبة الكليه الحربيه بعد خناقة ١٥ مايو الطلبه دول انا كنت قادر احرقهم !!
إله الملاعب اما لو انت على دكة البدلاء وسيادته جه يلعب رمية تماس تقف انتباه من حديد لحد ما يلعب ويدخل الملعب تانى تقوم قاعد
ولو بتلعب معاه تباصيله كتير ولو الجون فاضى وهو جنبك لازم هو اللى يجيب الجون لو الكوره اتقطعت منه تجرى بسرعه وتحاول ترجعهاله
تعليمات الماتش ما تدخلش عليه ماترقصهوش سيبه يرقصك ما تشوطش وهو واقف حواليك ما تلمسهوش واللى ادانى التعليمات لواء مدير جهاز الرياضه
لعبت كوره مع المشير فى ٢٠٠٥ وكان ضدى وبيلعب مع المهد الفنى واحنا حربيه
يعنى ايه الرئيس المخلوع بتتبنيله فيلا فى السجن الحربى دلوقتى ومستشفى السجن بتتجهز لتصبح سبع نجوم تحسبا لأى احتمالات
يعنى ايه الروينى فى المتحف المصري لما ما يعجبوش حد يقول يا تسعات فسحوه ياخدوه وحوش ال ٩٩٩ ورا المتحف لحد ما يبانلو صاحب مسلسل الوسيه ده ؟
يعنى ايه اخد فرقة السيل يبقى عادى واخد القائد بتاعى اوصله وانا مروح ابقى اشطر ظابط فالوجود ؟؟
يعنى ايه المخابرات العامه يمسكها لواء وهيئة الرقابه الإداريه يمسكها لواء والمحافظين لواءات الدوله كانت الجيش مش حسنى مبارك
يعنى ايه لما تتكلم فى التطوير والتدريب يتقال لك اسكت ماتوديش نفسك فى داهيه ؟
يعنى ايه تلاتين سنه التوفيق وامتداد رمسيس وخلف العبور واذ فجأه قصور فى التجمع الخامس والرحاب ومدينتى والشروق ؟؟
يعنى ايه مرتب الملازم ٢٠٠٠ جنيه ومرتب اللواء ٥٠٠٠ جنيه والفرق بينهم ٣٠ سنه عمل سياسة تجويع وحرمان ؟؟
يعنى ايه حصاد هدايا زفاف ابن احد اللواءات ٢٥٠٠٠٠ جنيه ذهب
والله العظيم المشير ما عايز يضحك على الشعب والله العظيم المشير عايز يكسر إرادة الشعب
طيب يعنى ايه يصبح عرف مستديم فى احتفالات القوات المسلحه ذبح عجل تحت اقدام المشير نوعا من القرابين والاضحيه لسيادته ؟؟
يعنى ايه لما ارفض الكلام فى المخابرات يتقلى لدينا من الوسائل والاساليب اللى يخليك تعترف على نفسك انك جاسوس وانت مش جاسوس ؟؟
طيب يعنى ايه يتقالى من لواء مين علاء الاسوانى ده اللى اهم انجازاته عمارة يعقوبيان هو خلاص كده اصبح اديب ؟؟
يعنى ايه يعلمونى فى الخطه اراده فض الشغب والتظاهر اوعى تضرب طلقه فى الهوا لا يفتكرونا نازلين نهزر اضرب فى المليان ؟؟
يعنى ايه عصابه خلصت على الجيش وبتخلص على مصر دلوقتى ؟؟
يعنى ايه ابقى عارف قد ده ميت مره والناس تقول شرفاء الجيش فين وما انزلش يوم ٨ ابريل ؟؟؟؟؟
يعنى ايه ظابط واقف قدام مقر رئيس الجمهوريه بدبابه ومعاهوش طلقه فشنك ياخد امر ما يعدوش غير على جثتك ؟؟
يعنى ايه ٦٥ يتدفنوا جنب السجن الحربى واهاليهم بيدوروا عليهم لحد دلوقتى ؟؟
يعنى الظابط اللى ساكت خاين واللى اتكلم تبع المجلس طيب نعملكم ايه علشان تفهمو ؟؟
يعنى ايه الوحده ٧٧٧ والوحده ٩٩٩ وحدات ارهاب دولى توضع فى مواجهه مع مواطنين مصريين
يعنى ايه قائد الفرقه الثانيه مشاه ميكانيكى يشرف على التعذيب داخل المتحف المصري
يعنى ايه لما اسكت ابقى خاين ولما اتكلم ابقى باعمل فتنه ؟
يعنى ايه الطيران الحربى يشارك فى تهريب اموال ؟؟
يعنى ايه حسن الروينى يأمر بتأمين ابناء مبارك من مصطفى محمود للتحرير ١ فبراير ؟؟

( قنبلة )

العقيد عمر عفيفي :

 أتحدي وزير الداخلية الحالي أو حتي القادم أو بعد القادم ، أن يست...طيع أو يجرؤ علي أستبعاد هذا الضابط الملوث العميد علاء محمود من مكانه الحساس جدا ، لأنه الحرس الشخصي لصفوت الشريف لمدة عشر سنوات والمشرف العام علي برنس العادلي الفوشيا ، والأهم انه يمتلك الأشرطة الجنسية لمعظم الفنانيين والسياسيين ورموز المجتمع والتي صورها لهم في شقة عبد العزيز أل سعود بالمتيل وشقة محمد مظهر بالزمالك ، وطفل صفوت الشريف النجيب أستطاع ان يخضع كل وزراء الداخلية بما يملك من اشرطة ، وقد تجاوزت ثروة هذا العميد المعجزة 500 مليون جنيه معظمها بالخارج ، وهو من يدير منظومة الأعلام في مصر بالكامل وخاصة في القنوات الفضائية مثل الفراعين والناس والمحور وغيرهم وهو من كان يدافع عنه توفيق عكاشة بالأمس في قناة الفراعين ، ولكننا سنفتح ملفه بالكامل وبالمستندات والأدلة أمام المحكمة الجنائية الدولية أن شاء الله لأنه هو المدبر الحقيقي لأحداث مجلس الوزراء ومحمد محمود وسفارة السعودية وهو مهندس حريق المجمع العلمي بالتعاون مع العميد حسين مصطفي حموده شقيق محامي مبارك وشقيق هاني مصطفي حموده رئيس نيابة امن الدولة وهشام حموده رئيس نيابات امن الدولة
وها أنا أتحدي وزير الداخلية أن يقترب منه أو حتي نقله خارج ديوان الوزارة أو أحالته للكسب الغير مشروع او أحالته للتحقيق العلني أمام أي جهه قضائية
والسبب معروف وأتحداك يا سيادة وزير الداخلية أمام الشعب المصري بالكامل

( منظمة العفو الدولية ديسمبر 2011 )

قالت منظمة العفو الدولية اليوم، عقب تفريق الجيش بالعنف المفرط مجدداً احتجاجات في القاهرة، إنه يتعين على مصدري الأسلحة العالميين وقف نقل الأسلحة الصغيرة وذخائرها، وغيرها من المعدات القمعية، إلى قوات الأمن والقوات المسلحة المصرية.

وأدانت المنظمة استخدام الجيش القوة المفرطة ضد المحتجين ودعت إلى وقف جميع عمليات نقل الأسلحة الصغيرة والخفيفة، وما يتصل بها من ذخائر ومعدات، إلى مصر، كما دعت إلى وقف توريد جميع معدات الأمن الداخلي التي يمكن أن تستخدم في القمع العنيف لحقوق الإنسان، كالغاز المسيل للدموع والطلقات المطاطية والبلاستيكية والعربات المصفحة.

وفي هذا السياق، قالت حسيبة حاج صحراوي، نائبة مدير برنامج الشرق الأوسط وشمال أفريقيا في المنظمة، إنه "لم يعد من الممكن القبول بتزويد الجيش المصري بأنواع من الأسلحة والذخائر وخلافها من المعدات التي ما برحت تستخدم للقيام بأعمال وحشية كالتي شهدناها ضد المحتجين.

"فقد أصبح من الواضح أنه إما أن الشرطة العسكرية قد تلقت أوامر بتفريق المتظاهرين بأي ثمن، أو أن 'المجلس الأعلى للقوات المسلحة' لا يسيطر على الجيش وقوات الأمن. وكلا الاحتمالين يبعث على القلق البالغ أكثر من الآخر."

وطبقاً لوزارة الصحة المصرية، فقد قتل ما لا يقل عن 11 شخصاً، كما جرح المئات، منذ يوم الجمعة، 16 ديسمبر/ كانون الأول.

كما قبض على ما لا يقل عن 300 شخص وأحيلوا إلى النيابة العامة، وبين هؤلاء ما لا يقل عن 11 امرأة والعديد من القصّر الذين لا تزيد أعمار بعضهم عن 10 سنوات. وقبض على نحو 50 آخرين لعدة ساعات ثم أفرج عنهم. وبحسب التقارير، تعرضوا جميعاً للضرب المبرح، بينما أُنكر على من لا يزالون رهن الاعتقال تلقي العلاج الطبي.

وبدأ العنف عندما قدمت قوات عسكرية لفض اعتصام خارج مباني مجلس الوزراء، وقامت بإحراق الخيام وبضرب المحتجين بالعصي والدواليب المطاطية، وبإلقاء الحجارة والأدوات الحادة عليهم. ثم راحت قوات الأمن فيما بعد تطلق الذخيرة الحية وخراطيش الرش على المحتجين.

وقالت منظمة العفو الدولية إن أشرطة فيديو تلقتها تظهر عمليات ضرب مبرحة لفترات طويلة، وتشير إلى أن الشرطة العسكرية كانت تستعمل القوة المفرطة دون أي مسوِّغ وبلا حساب بغرض معاقبة المتظاهرين، لا لحفظ القانون والنظام.

ويظهر شريط فيديو وزع على شبكة الإنترنت الشرطة العسكرية وهي تشحط امرأتين، إحداهما مزقت ملابسها ونزعت عن جسدها، في الشارع قبل أن توسعهما ضرباً وتدوس جسديهما بالأحذية، ما أثار شعوراً عارماً بالغضب الشديد.
وقالت حسيبة حاج صحراوي: "لقد استهدف الجيش، الذي تبنى موقفاً أبوياً حيال النساء منذ تسلمه زمام السلطة، المحتجات من النساء خصيصاً بالإذلال وبالمعاملة الحاطة بالكرامة. والغرض من مثل هذا السلوك، على ما يبدو، هو ردع النساء عن التظاهر.

""وهذا يتماشى تماماً، للأسف، مع "فحوص العذرية" القسرية التي أخضعت القوات المسلحة النساء المحتجات لها في وقت سابق من السنة."

واستهدف الجيش وقوات الأمن كذلك الصحفيين وغيرهم ممن كانوا يصورون المشهد. وقالت منظمة العفو الدولية إن ذلك بمجمله يبدو جزءاً من جهود يبذلها "المجلس الأعلى للقوات المسلحة" لتصوير المحتجين بأنهم مثيرو شغب ولمنع توثيق الانتهاكات التي يرتكبها الجيش. وقد امتدح المجلس العسكري الجيش وحمّل مسؤولية العنف الراهن للمحتجين، واصفاً إياهم بالبلطجية والمخربين، وزاعماً أنهم استفزوا الجيش وقوات الأمن بمهاجمتهم ممتلكات حكومية.

وفي هذا السياق، تبجح ضابط كبير في الجيش المصري، في إشارة إلى المحتجين أمام مجلس الوزراء، بالقول إنه ينبغي حرق هؤلاء في أفران هتلر. وأكدت منظمة العفو أن مثل هذه التصريحات لا يمكن تفسيرها إلا أنها مكافأة للجيش ولقوات الأمن على القتل ودعوة لها إلى ارتكاب المزيد من الانتهاكات.

إن أحداث نهاية الأسبوع الأخيرة هذه هي المرة الثالثة التي تتحول فيها الاحتجاجات السلمية إلى حمام دم منذ أكتوبر/تشرين الأول، وبما يصل بإجمالي عدد الوفيات في الاحتجاجات منذ ذلك الوقت إلى ما لا يقل عن 84 قتيلاً.

ففي أوائل أكتوبر/تشرين الأول، توفي ما لا يقل عن 28 شخصاً، بينهم جندي واحد، عندما انقلب احتجاج ضد التمييز الديني في القاهرة إلى حمام دم. وشملت الإصابات أشخاصاً أصيبوا بعيارات نارية وآخرين هشِّمت أجزاء من أجسادهم نتيجة دهسهم عن سابق عمد وإصرار من قبل مركبات تابعة للجيش.

وقتل ما لا يقل عن 45 شخصاً في حملة لقمع المحتجين في القاهرة والإسكندرية في نوفمبر/تشرين الثاني. وأظهرت الإصابات التي لحقت بالجثث في مشرحة بالقاهرة إصابات في الرأس والصدر بالذخيرة الحية، حسبما ذكر، بما في ذلك إصابات نجمت عن استخدام بنادق الخرطوش.

وقد وعد "المجلس العسكري للقوات المسلحة" بإجراء تحقيقات في هذه الحالات، ولكن لم تنشر أي نتائج لتحقيقات من هذا القبيل على الملأ حتى اليوم.

وفي وقت سابق من الشهر الحالي، أصدرت منظمة العفو الدولية معلومات تظهر أن الولايات المتحدة قد قامت على نحو متكرر بنقل ذخائر إلى مصر رغم الحملات القمعية العنيفة التي شنتها قوات الأمن ضد المحتجين.

واختتمت حسيبة حاج صحراوي بالقول: "لقد رحبنا بالإدانة الدولية الواسعة لأعمال المجلس العسكري، ولكن ما نحن بحاجة إليه أكثر من الكلام هو أن نرى شركاء مصر الدوليين يتبعون أقوالهم بأفعال ملموسة لوقف الانتهاكات لحقوق المصريين".

"فمن غير الكافي الانتظار إلى حين معرفة نتائج التحقيقات التي يجريها المجلس العسكري بنفسه في مقتل المحتجين، أو سوى ذلك من التحقيقات. وعلى حلفاء المجلس العسكري أن يتخذوا خطوات فعلية لوقف القتل من منبعه.

( حتى لا ننسى )

( مجلس العسكر كاذبون )

( سيادة اللواء وفضيلة الشيخ )

بقلم . الاديب العالمى د/ علاء الاسوانى . بتاريخ 13/12/2011 سيادة اللواء وفضيلة الشيخ يشتركان فى أمور كثيرة.. الاثنان جاوزا السبعين ويتمتعان بصحة جيدة، الاثنان ينامان ويستيقظان مبكرا، كما أن الاثنين يسكنان فى الحى ذاته: التجمع الخامس، بل إن القصر الفخم الذى يقيم فيه فضيلة الشيخ لا يبعد عن قصر سيادة اللواء إلا بضع دقائق بالسيارة. كل هذه الاعتبارات تسهل لقاءهما عند الضرورة. مع التطورات التى حدثت الأسبوع الماضى اتصل فضيلة الشيخ بسيادة اللواء وطلب لقاءه فوافق على الفور واتفقا على أن يتناولا الإفطار معا.

فى اليوم التالى الساعة الثامنة صباحا.. توقفت أمام قصر سيادة اللواء السيارة المرسيدس السوداء الفارهة التى تقل فضيلة الشيخ وسرعان ما قفز منها اثنان من الحراس الشخصيين، فتح أحدهما الباب لينزل الشيخ بينما راح الحارس الآخر يجول بنظره محدقا كالصقر فى أرجاء المكان وقد استعد بيده على زناد البندقية الآلية التى يحملها.. كان اللواء ينتظر الشيخ على المائدة فى قاعة كبيرة متفرعة من بهو القصر.. رحب اللواء بالشيخ الذى احتضنه بود ثم جلس بجواره.. على المائدة كان الإفطار يجمع بين فنون المطبخ الفرنسى وتقاليد الريف المصرى العريقة، راح السفرجى النوبى يقدم الأطباق بلهجة مهذبة وحروف واضحة: كان هناك كرواسون وباتيه بالجبن واللحم والسبانخ، وكان هناك أيضا فطير مشلتت ساخن وفول مدمس وبيض وأنواع عديدة من الجبن ثم أطباق صغيرة ممتلئة بالعسل الأبيض بالقشدة.

كان ذلك إفطار عمل، كما يقول الدبلوماسيون.. راح اللواء والشيخ يأكلان ويتحدثان.. بدأ اللواء قائلا:

ـــ ألف مبروك نجاحك فى الانتخابات يا فضيلة الشيخ.

ـــ الحمدلله، ربنا نصرنى وما النصر إلا من عند الله.

ـــ ونعم بالله.. بصراحة بقدر فرحتى بفوزك الساحق إلا أن لى عتابا عليك.

ـــ خير يا سيادة اللواء..؟

ــ يا أخى.. لما يكون عندك ملاحظة على قرار أنا اتخذته لماذا لا تتصل بى مباشرة بدلا من أن توجه لى نقدا فى الإعلام.

ــ حاضر يا فندم.

هكذا قال الشيخ ثم قضم البيضة المسلوقة التى فى يده. على أن اللواء انفعل فجأة قائلا:

ـــ على فكرة دى مش أول مرة.. كل مرة تقول لى كلام وتعمل العكس.

قطب الشيخ حاجبيه وكأنما انزعج من لهجة اللواء وقال بنبرة جافة:

ــ سيادة اللواء. الموضوع لا يستاهل كل ذلك.

ــ لأ يستاهل، أنت تريد أن تعمل بطلا على حسابى.

ــ أنا لم أخطئ، لقد عبرت عن رأيى فى الإعلام، ورغم ذلك لن أكرر ذلك إكراما لك.

ــ أنا لا أحتاج إلى كرمك.

ــ يا فندم. أنت تعلم احترامى لك لكن لا تنس أننى أمثل الشعب.

ــ لقد أردت لك أن تفوز ففزت فى الانتخابات، ولو أردت لك أن تخسر لكنت خسرت..

هنا وضع الشيخ اللقمة فى فمه وبعد أن مضغها وبلعها قال لسيادة اللواء:

ــ اسمح لى أنت لست سبب نجاحى، لقد نجحت بتوفيق ربنا ومجهودى.

ــ إنت باين عليك صدقت نفسك.

ــ سيادة اللواء، أرجو أن تتمالك أعصابك، أنا أحترم سيادتك وأتوقع أن تحترمنى.

كان اللواء قد بدا عليه التحفز وهمس بشىء ما للسفرجى الذى غاب لحظة ثم عاد بحقيبة صغيرة مغلقة وضعها بجوار مقعد الشيخ. مرت لحظة من الصمت ثم قال اللواء:

ـــ أرجو أن تأخذ هذه الحقيبة معك إلى البيت. افتحها وافحص محتوياتها جيدا.

ـــ ماذا فى الحقيبة..؟!

ــ كل المخالفات التى ارتكبتها موثقة بالصوت والصورة.. سوف تجد بيانا بالأموال التى قبضتها.

ــ عن أى أموال تتحدث..؟!

ــ أنت تفهمنى جيدا، الأموال التى انهمرت عليك من الخارج، فى هذه الحقيبة سوف تجد صورا من الشيكات التى قبضتها بأرقامها وتواريخ صرفها.

ــ يا سيادة اللواء من فضلك.

ــ سوف تجد وقائع شراء الأصوات التى قمت بها.. سوف تجد فيديوهات تثبت كيف استغللت جهل الناس وفقرهم من أجل إرغامهم على التصويت فى صالحك.

ــ يا فندم. لا داعى لهذا الكلام.

ــ كل هذه الأدلة سوف أتقدم بها فى بلاغات ضدك وسوف نترك الأمر كله للقضاء.

ــ يا فندم أرجوك..

ــ هل يضيرك تنفيذ القانون يا فضيلة الشيخ..؟

ــ بل يضيرنى غضب سيادتك.. أرجوك يا فندم لا تغضب.

تنهد اللواء وعاد بظهره إلى الخلف ورشف من فنجان الشاى وقال:

ــ يبقى كل ما أقوله يجب أن تسمعه.

ــ تحت أمرك.

ـــ إياك أن تتصور فى أى لحظة أنك أصبحت قويا وأننى لن أقدر عليك.

ـــ يا فندم أنا دينى يأمرنى بطاعتك..

ـــ يبقى لما يكون عندك ملاحظات تقول لى قبل ما تتكلم فى الإعلام، مفهوم..؟

ــ مفهوم يا فندم.

اندفع الشيخ يقول كأنما يريد أن يستعيد الصفاء بينهما:

ــ يحزننى أن تشك سيادتك حتى الآن فى إخلاصى.

ـــ أفعالك هى الفيصل.

هكذا قال اللواء بهدوء، فاندفع الشيخ يقول:

ــ يا فندم، لقد كنت أطالب من البداية بدستور جديد للبلاد، كان هذا موقفى المعلن لكنى عندما علمت أن رغبة سيادتكم إجراء تعديلات على الدستور القديم غيرت موقفى تماما وساندت التعديلات بكل قوة.. أظن سيادتك تذكر ذلك.

هز اللواء رأسه، واستطرد الشيخ قائلا:

ــ لم أتخذ موقفا واحدا ضد سيادتك، من أجلك أنت خسرت أصدقاء كثيرين، حتى أثناء الأحداث الدامية المؤسفة لم أفتح فمى بكلمة ضد سيادتك.

ساد الصمت من جديد، وقال الشيخ بإلحاح:

ــ خلاص يا فندم. سيادتك راض عنى..؟!

قال اللواء:

ــ بشرط أن تسمع الكلام..

ــ تحت أمرك.

انتقل الشيخ واللواء إلى الحديث عن تفاصيل ما سوف يفعلانه معا فى المستقبل، كانا قد انتهيا من الطعام، واقترح اللواء أن يشربا القهوة فى المكتب، سارا عبر الردهة الطويلة حتى دخلا من الباب إلى قاعة المكتب الفخمة الفسيحة، جلس اللواء خلف المكتب المصنوع من خشب الآرو بينما جلس الشيخ فى المقعد الوثير المواجه له، كان اللواء قد أعد ورقة صغيرة بالموضوعات التى يريد أن يناقشها مع الشيخ.. على مدى ساعة تحدث اللواء والشيخ واتفقا تماما فى وجهات النظر..

انتهى اللقاء بطريقة ودية واصطحب اللواء الشيخ وظل واقفا يلوح له بيده حتى ابتعدت السيارة. كان اللواء يحس برضا كامل عن اتفاقه مع الشيخ وكانت لديه تقارير كثيرة يجب أن يطالعها فعاد إلى مكتبه وهرع إليه الفرّاش بفنجان القهوة المضبوط.. قرأ الأوراق وأجرى عدة اتصالات تليفونية مهمة وبعد نحو ساعة من العمل، عاد اللواء بظهره فى المقعد ووضع يديه خلف رأسه. كان يريد أن يستريح قليلا لكنه لما أغمض عينيه وفتحهما وجد شيئا غريبا على الجدار المواجه للمكتب، لمح تهويمات أو خيالات تتحرك على الجدار أمامه، أحس اللواء بانزعاج وحدق من جديد فرأى على الجدار أربعة أو خمسة وجوه لشبان فى العشرينيات من العمر، الغريب أن وجوه الشبان كانت هيئتها واحدة. كانوا يتطلعون إليه بعين واحدة، أما العين الأخرى فكانت فارغة مثقوبة تعكس فراغا أسود.

أحس سيادة اللواء برهبة وتأكد له أنه يعانى من هلوسة ما نتيجة للإرهاق، فكر أن هذه التهيؤات سوف تتلاشى بالتأكيد إذا نال قسطا من الراحة، أغمض عينيه لحظات ثم فتحهما من جديد لكن الوجوه لم تختف من فوق الجدار بل إنها ازدادت، الوجوه ذات العيون المفقودة انضمت إليها وجوه أخرى كلها مصابة بطلقات رصاص فى أعلى الرأس أو فى الرقبة.. كانت الوجوه كلها تحمل تعبيرا واحدا غامضا نهائيا، صارما ومخيفا.

غرق اللواء فى الحيرة وانحنى إلى الأمام وقد وضع رأسه بين يديه، بعد حوالى دقيقتين، رفع رأسه وهو يتفادى النظر إلى الجدار ثم أضاء نور الحجرة على آخره، كانت هذه محاولته الأخيرة، كان أمله أن يبدد النور الساطع الخيالات التى تطارده، راح قلبه يدق بقوة ثم فتح عينيه ونظر فى الضوء، كان الجدار قد صار مزدحما عن آخره بالوجوه، بالإضافة إلى الوجوه ذات العيون المثقوبة والوجوه التى تحمل طلقات الرصاص ظهرت وجوه أخرى كثيرة، وجوه مربدة متشنجة كأنها مختنقة بغازات سامة ووجوه ملامحها مشوهة تماما كأنما قد تم دهسها تحت عجلات سيارة.

هذه المرة أحس اللواء بأن الوجوه كلها تتزاحم عليه. تقترب منه وهى تحمل كلها فكرة واحدة، كأن لها جميعا إرادة معينة تصر على تنفيذها، مد اللواء يده ورن الجرس بعنف عدة مرات فهرع إليه سكرتيره الخاص، حاول اللواء أن يبدو متماسكا، تبادل معه حديثا عابرا وعندما نظر السكرتير نحو الجدار فهم اللواء حالاً أن الوجوه الرهيبة التى تطالعه لا يستطيع السكرتير أن يراها. عندئذ صرف اللواء السكرتير وأسرع بالخروج من المكتب وهو يقنع نفسه بالتفسير الوحيد الذى يستطيع تقبله.. استقر فى يقينه أنه مرهق وأن هذه الأشكال التى لاحت على جدار مكتبه ليست إلا ظلالا صورها له ذهنه المتعب.

بذل اللواء مجهودا مضنيا حتى سيطر على نفسه وعاش يوما عاديا بل إنه تعمد أن يأخذ زوجته وابنته الكبرى إلى النادى بعد الظهر حيت تناولوا العشاء.. عندما عاد إلى البيت دخلت زوجته لتنام بينما جلس هو وحيدا أمام التليفزيون فى الصالة الكبيرة التى تقع فى الدور الأول للقصر، كان يحس بقلق حقيقى، كان يخشى الدخول إلى مكتبه، لم يصدق نفسه عندما تطلع إلى الستارة الكبيرة أمامه فوجد نفس الوجوه، نفس العيون المثقوبة والوجوه المختنقة بالغاز والوجوه المقتولة بالرصاص والوجوه الممزقة المشوهة المدهوسة تحت العجلات.. أحس اللواء بفزع، ارتعد، كاد يصرخ، رفع كفيه ليغطى بهما عينيه حتى لا يرى كل هذه الوجوه المقتولة لكنه فوجئ بأن يديه ملطختان بالدم تماما.. ماذا حدث لسيادة اللواء

( رأى العسكر فى الثورة )

أم الدنيااااا

( حوار بين رجلين مهمين )

بقلم . الاْديب العالمى د. علاء الاْسوانى بتاريخ 1/11/2011 ( حوار بين رجلين مهمين ) الرجل الأول: على فكرة أنا زعلان منك


الرجل الثانى: ليه يافندم كفى الله الشر؟!


رجل 1: بقى لك يومين ما تكلمتش


... رجل 2: أنا آسف يافندم. والله ما يبعدنى عن سيادتك إلا الشديد القوى. أنا مرهق جدا..الشغل ليل ونهار. الدنيا كلها على دماغى.

رجل 1: كان الله فى العون. أنا عارف الحمل تقيل لكن ياريت تتصل بيا دايما لأنى محتاج أتكلم معك

رجل 2: أنا تلميذك يافندم ولا يمكن أنسى أفضال سيادتك.

رجل 1: كتر خيرك. عندك أخبار جديدة؟! أنا سمعت إن فيه ولد مات فى سجن طره

رجل 2: يافندم ضباط الشرطة عليهم ضغط جامد

رجل 1: ضباط الشرطة رجالة ومحترمين. لا يمكن أنسى موقفهم فى يناير وهم بيدافعوا عن الشرعية. أنا مش مصدق إننا نحاكمهم لأنهم نفذوا التعليمات

رجل 2: للأسف فى وقت معين كان ضرورى نحيلهم للمحاكمة عشان نمتص غضب الناس، لكن سيادتك اطمئن عليهم.

رجل 1: إيه بقى حكاية الولد بتاع طرة؟!

رجل 2: الولد ده اسمه عصام عطا. كان واخد سنتين حبس فى قضية عسكرية ومسجون. يبدو أنه هرب شريحة موبايل داخل سجن طرة. ضبطوه. اتكلم مع الضابط بطريقة مستفزة قام الضابط ضغط عليه على أساس إنه يؤدبه. الولد مااستحملش ومات

رجل 1: خلى بالك ممكن تبقى قضية كبيرة زى قضية خالد سعيد

رجل 2: اطمئن يافندم. إحنا عاملين حسابنا تمام. كل الأجهزة المعنية أثبتت بالدليل القاطع إن الولد بلع لفافة مخدرات وأصيب بهبوط فى الدورة الدموية ومات.

رجل 1: طيب ما تقارير خالد سعيد قالت الكلام نفسه والدنيا هاجت

رجل 2: الدنيا دلوقت لا يمكن تهيج. الناس منهكين وتعبانين وبقوا راضيين بأى شىء نعمله.

رجل 1: لما الناس راضيين أمال ليه طلعوا وتمردوا على الشرعية؟! تصدق أنا لغاية النهارده مش فاهم إيه اللى حصل فى أحداث يناير..؟

رجل 2: أرجو سيادتك تتقبل ملاحظة من تلميذك. السبب فى أحداث يناير أن أجهزة الأمن غلطت. سابت الناس تتجمع وكان عندها ثقة فى إنها تقدر تفرقهم بالقوة.. الأصول إننا ما نسيبهمش يتجمعوا من الأساس. لابد من توجيه ضربات استباقية عنيفة تمنع المظاهرات من أساسها...

رجل 1: فعلا كان المفروض نضرب بشدة. إحنا غلطنا. كنا فاهمين إن المصريين شعب طيب. عمرى ما كنت أتصور إنهم يعملوا كده.

رجل 2: الناس طيبين يافندم. إنما المشكلة فى العيال بتوع فيس بوك هم اللى فضلوا يهيجوا فى الناس

رجل 1: دول عملاء. خونة. قابضين عشان يخربوا البلد

رجل 2: الحمدلله إننا لحقنا البلد. أحب أطمئن سيادتك إن عيال التحرير دول فقدوا شعبيتهم فى الشارع

رجل 1: إزاى..؟!

رجل 2: يافندم الحالة فى مصر لا تطاق. لا أمن ولا سياحة ولا اقتصاد

البلد كلها فى حالة فوضى. طوائف المجتمع كلها ضد بعض. كل يوم إضرابات واعتصامات وبلطجة وقتل وقطع طرق. المواطن المصرى بقى خايف على نفسه وأولاده.

رجل 1: أحسن.. خليهم يشوفوا.. المهم الناس تفهم إن كل المصائب دى سببها العيال بتوع التحرير

رجل 2: طبعا الناس فهمت وبقت تكرههم. واحنا فضحناهم فى الإعلام وفهمنا الناس إنهم عملاء. دلوقت لما ييجوا يعملوا مظاهرة أو اعتصام.. تلاقى الأهالى الشرفاء هم اللى بيضربوهم ويسلموهم للشرطة العسكرية

رجل 1: أهو ده الشعب المصرى الحقيقى من غير تحريض

رجل 2: نفسى سيادتك تنسى أحداث يناير

رجل 1: أقول لك بصراحة؟! المشاهد اللى حصلت فى يناير كانت فظيعة. مش قادر أنساها

رجل 2: يافندم. صدقنى. أحداث يناير خلصت إلى الأبد ولايمكن تتكرر أبدا

رجل1: إنت متأكد

رجل 2: طبعا. كانت هوجة وراحت لحالها. إحنا خدناها بالسياسة لغاية ما قضينا عليها. دلوقت معظم المصريين كرهوا أحداث يناير وندموا عليها. يتمنوا يرجعوا زى الأول. الناس بقت تقول «ولا يوم من أيام زمان.. على الأقل كان فيه أمن». أما المحرضين اللى عملوا الهوجة فى يناير دول مش هاتقوم لهم قومة تانى أبدا. خلاص انقسموا وبيقطعوا فى بعض.. الإسلاميين ضد الليبراليين والسلفيين ضد الأقباط. ميدان التحرير انتهى. إحنا تعلمنا الدرس يافندم. الحقيقة الرجالة فى أمن الدولة عملوا شغل ممتاز. عرفنا نقطة ضعف كل مجموعة ولعبنا فى دماغهم. خدنا كل واحد على جنب وعشمناه. بعد ما كانوا يعملوا مظاهرات فيها مليون بنى آدم يوم الجمعة عملوا مظاهرة كان فيها بالكتير ألف واحد..

رجل 1: الله يفتح عليك

رجل 2: إحنا عندنا خطة على مراحل. دلوقت العيال الناشطين اللى لسه عاملين قلق بنقبض عليهم ونرميهم فى السجن. حنفضل نصطادهم كده زى العصافير واحد ورا التانى لغاية ما نخلص عليهم. على فكرة سيادتك شفت جرايد النهارده..؟!

رجل 1: الجرايد كلها بتيجى لى كل يوم عربى وإنجليزى لكن الواحد ما عندوش نفس يقرأ أى حاجة. بينى وبينك أنا قاعد طول النهار قدام الدش

رجل 2: منشور خبر فى الجرائد متأكد أنه يسعد سيادتك..لأول مرة بدأنا محاكمات لكل المحرضين على أحداث يناير. بدأنا بأول دفعة وبعد كده حنجيبهم كلهم

رجل 1: لازم تسحلوهم. دمروهم زى ما دمروا مصر

رجل 2: تمام يافندم

رجل 1: كمان فيه كام صحفى وكاتب عاملين لى أبطال وشغالين تهييج فى الناس

رجل 2: عارفينهم يافندم واحد واحد.. أمن الدولة بعت لنا ملفات دقيقة عنهم. إحنا بدأنا بالضغط على ملاك القنوات والجرائد اللى بيشتغلوا فيها. بعد كده فى الوقت المناسب هنتعامل معاهم.

رجل 1: يا أخى أنا ساعات بأحس إنى عايش كابوس. كله كوم ومرشحين الرئاسة كوم. أنت شفت مناظر الناس اللى عاوزين الرئاسة؟! هى رئاسة مصر دى لعبة يا اولاد الإيه أنتم؟! كل من هب ودب عاوز يبقى رئيس

رجل 2: خليهم يرشحوا نفسهم براحتهم يافندم

رجل 1: والبرادعى عامل إيه.؟! الرجل ده أنا باتشائم منه. من أول ما رجع مصر جاب البلاوى كلها معاه.

رجل 2: الوضع مع البرادعى تحت السيطرة يافندم. لسه لاغيين له ندوة فى جامعة عين شمس

رجل 1: برافو.

رجل 2: وكمان إن شاء الله لما تشوف الانتخابات سيادتك هتنبسط جدا

رجل 1: ناويين تعملوا إيه..؟!

رجل 2: يافندم الانتخابات مجموعة حسابات لو عرفنا نحسبها عمرنا ما نحتاج نلعب فى الصناديق. أولا الدوائر بقت كبيرة جدا بحيث ان العيال الجربانة بتوع التحرير لا يمكن يقدروا يصرفوا على الدعاية. ثانيا مافيش قانون عزل ولا كلام فارغ. أعضاء الحزب الوطنى شخصيات محترمة وخدموا مصر ولا يمكن حد يمنعهم من الترشح. صحيح إن فيه حكم قضائى بإلغاء الحزب الوطنى لكن عندنا 8 أحزاب طالعين من الوطنى وإن شاء الله ياخدوا أغلبية. كمان الظروف فى الانتخابات هتبقى صعبة. الحالة الأمنية سيئة جدا وستواصل التدهور. المحامون والقضاة بينهم حرب والمحاكم قفلت تقريبا. البلطجية بيضربوا القضاة وبالتالى القضاة هيخافوا على حياتهم ويرفضوا الإشراف. إضراب أمناء الشرطة والأفراد فى الداخلية المفروض إنه يستمر لغاية موعد الانتخابات.

رجل 1: يعنى الانتخابات ممكن تفشل..؟!

رجل 2: إحنا جاهزين لكل الاحتمالات: لو فشلت الانتخابات يبقى أمر الله ولو تمت يبقى نتيجتها هتيجى بمزاجنا. مجلس الشعب اللى جاى بتاعنا يافندم.

رجل 1: يا أخى إنت كنت فين من زمان. لو كنا طبقنا الطريقة دى كنا رحمنا البلد من المصايب

رجل 2: يافندم قدر الله وما شاء فعل

رجل 1: ونعم بالله.

رجل 2: طمنى على الأحوال عند سيادتك. فيه أى شىء ناقص يافندم.؟! أى حاجة سيادتك عاوزها تئمرنى

رجل 1: كله تمام. عاوز أشكرك على المانجة

رجل 2: بالهنا والشفا يافندم. أنا عارف إن سيادتك بتحب المانجة

رجل 1: فعلا. من صغرى وأنا أحب المانجة. عارف لما كنت عريس جديد. طبعا انت عارف مراتى بنت ذوات وكل حاجة تاكلها بالشوكة والسكينة. بصراحة كنت أتكسف آكل المانجة قدامها. أول ما تنزل من البيت أقوم لابس جلابية وواخد لى اتنين تلاتة كيلو مانجة وأدخل على الحمام. أقعد على البلاط وآكل المانجة براحتى لغاية لما أخلصها كلها..

رجل 2: ربنا يديك الصحة يافندم. الأولاد أخبارهم إيه؟!

رجل 1: كل يوم يتصلوا. حالتهم كويسة. أظن كان فيه مشكلة مع الطباخ؟

رجل 2: عملنا اللازم يافندم. الطباخ الخصوصى اللى هم اختاروه هو اللى بيعمل لهم الأكل كل يوم

رجل 1: كتر خيرك. إنت متابع كل حاجة

رجل 2: طبعا يافندم.. بالمناسبة حمدالله على سلامة الهانم

رجل 1 الله يسلمك. والله هى جت من المطار عليا على طول

رجل 2 إن شاء الله تكون رحلة موفقة

رجل 1: الحمدلله. إنت عارف الهانم مضطرة تروح لندن كل عشرة أيام أو أسبوعين عشان تقابل المحامى وتعمل الترتيبات

رجل 2 مفهوم يافندم. سيادتك أى أوامر؟!

رجل 1 ربنا يخليك

رجل 2 السلام عليكم

رجل 1 وعليكم السلام. فى أمان الله

■ ■ ■

عزيزى القارئ، هل تعرف من هو الرجل الأول ومن هو الرجل الثانى؟

يسقط يسقط حكم العسكر

( كاذبون )

من اللحظة الاولى بعد خلع مبارك اللص الكبير ومجموعة قليلة من الكلاب التابعين له وبعد تكليفه للمجلس العسكري للادارة شئون البلاد وانا على يقين بأن هناك خطة وضعت للامتصاص غضب الملايين الذين كانو بميادين جميع محافظات مصر والخطة هي انه يتم اعلان تنحى رأس النظام لحماية كل النظام . لماذا ؟ لان ليس مبارك المخلوع وحده الفاسد كل نظام مبارك فاسد بكل مافيه من أول المخلوع مرور بحسين طنطاوي وسامى عنان ومن تحت قيادتهم والنائب العام ومجموعة تحت قيادته ومجموعة ايضا بالمخابرات العامة وجهاز الامن القومي هذا غير المحليات والجهاز المركزي للمحاسبات والمحافظين وقيادات الداخلية وبعض القضاة . فهل متوقع ان هؤلاء جميعا عندهم استعداد للمحاكمة . بالتأكيد لا لذلك تم الاتفاق على أن يتنحى مبارك لتجنب محاكمة كل هذة المنظومة الفاسدة وتم وعد مبارك انه سوف ينعم بالحماية الكاملة هو واولاده الفاسدين او على الاقل سيكون العقاب اقل من أن يأتي شخص غريب عن (الشلة) يطيح بهم جميعا ويتم إعدامهم . من هنا وبدأ إمتصاص غضب الشعب والملايين كيف بأنهم يسيروا على نفس اللغة لغة الثورة العظيمة والثوار الشرفاء حتى يذهب كل هؤلاء الملايين الى منازلهم . ومن هنا بدأ بتنفيذ الخطة خطة ( اشعل الفتنة بينهم ليتفرقوا ) لان هم يعلمون ان الاتحاد قوة وهم لا يريدون هذا طبعا اول خطوة هي (الاستفتاء) نعم ؛ لا بهذا الشكل انقسم الشعب ناس معارضة وناس مؤيدة . طيب الناس المؤيدة دى هتكون معاهم ازاى نصف الناس المؤيدة تريد الاستقرار والنصف الاخر عقد صفقة (الاخوان والجماعات الاسلامية ) قالو لهم سوف نعطيكم السلطة بس بشرط وهو (الحماية والطاعة فى كل القرارات ) السلطة حلم الاخوان منذ ثمانون عام . وبالتالي ايضا الاخوان ليس عندهم اي مانع انهم يستشهدوا فى سبيل هذا الحلم . وهنا تم اقناع الاخوان ان هؤلاء الثوريين سيقضون عليهم اذا ظلوا على الساحة بمطالبهم ان يتم محاكمة الفاسدين وتطهير البلاد ولان ايضا الاخوان فيهم جزء كبير من قيادتهم متورط فى هذا الفساد وايضا بالتمويل من دول عربية مثل قطر وغيرها فكان يجب على الاخوان الا يفتحون افواههم بكلمة تناصر هؤلاء الثوار والا سيتم الانقلاب على الثورة لان الجيش معهم القوة معهم وللاسف مثل ما المخلوع افسد كل مؤسسات الدولة ايضا كان يجب السيطرة على الجيش من سنين بافساده وافساد قادته لحساب يوم مثل هذا من اجل الوقف معهم . وليس هذا فقط للاسف تم فساد المؤسسة من كل شيء من حيث التصنيع فبدل من ان المصانع الحربية تصنع ذخيرة وتطور الاسلحة كي تواكب التقدم العالمي صارت تصنع اواني للطهى يا للعار . وبعد هذا استمرت الخطة بعد انقسام الشعب فى استفتاء مخزي لابد ان ينتقلوا الى المرحلة الثانية وهى التنكيل بالثوار والتشهير بالشخصيات الوطنية العظيمة التي تحاربهم . وبعد ذالك يتم سحق والتنكيل بكل الثوار الشباب وشرفاء الجيش من الضباط الصغار الشرفاء بالتعاون مع كل الفاسدين فى طره واعوان العادلي واعون عمر سليمان وأعوان شفيق وغيرهم تخيل كل هؤلاء على الشعب العظيم الذى كل حلمه انه يعيش بكرامة بين الامم . ارجعوا الى كلام اللواء الروينى فى التحرير قبل تنحى المخلوع كان يطلب من الناس العوده لمنازلهم بحجة الاقتصاد المتدهور وهم اساس تدهور الاقتصاد فى الاساس من فسادهم وسرقت خير البلاد من سنوات تذكروا ا المقاتلات الحربية التي كانت تحوم فوق ميدان التحرير ايام الثورة لكي يرهبون الناس لكي يعودوا الى منازلهم الا تتذكروا الاخوان عندما جلسوا مع عمر سليمان الاخوان لا يفكرون الا فى مصلحتهم فقط وللاسف شباب الاخوان بعضهم يسمع ويطيع دون تفكير . العسكر كاذبون كاذبون انهم يبحثون عن خروج أمن لهم فقط وعلى استعداد فى سبيل ذالك يقتلون ويعتقلون وبمساعدة كل الخونة الذين لا ينظرون الا لمصلحتهم فقط . لا بد ان يحاكموا جميعا قبل فوات الاوان .